Республика Эчке эшләр министрлыгының тикшерү идарәсе курьер функцияләрен башкарган 10 кешедән торган төркемгә карата җинаять эшләре кузгаткан.
Алар исәбендә җинаять эшчәнлегенең ким дигәндә 7 дәлилләнгән эпизоды ачыкланган. Җинаятьчел төркем гамәлләреннән гомуми зыян 15 000 000 сумнан артык тәшкил итә. Аларга 10 елга кадәр иректән мәхрүм итү рәвешендәге җинаять җәзасы яный. Гомумән алганда, республикада җинаятьләр саны кими, дип белдерделәр матбугат очрашуында.
– 2026 елның 7 аенда аларның саны 9492 тәшкил иткән. Бу узган елның шул ук чоры белән чагыштырганда 43 процентка кимрәк, – дип хәбәр итте Татарстан Прокуратурасының эчке эшләр органнарын тикшерүне күзәтү бүлеге прокуроры Алмаз Фәттахов. – Җинаятьләрнең яртысыннан күбрәге, ягъни 5147 се мошенникларга бәйле.
